Bugajski: Lajçak dhe Escobar kanë dështuar në punën e tyre derisa s’ka njohje reciproke Kosovë-Serbi

Njohësi i zhvillimeve në Ballkanin Perëndimor, Janusz Bugajski ka falendëruar kryediplomaten kosovare, Donika Gërvalla, që sipas tij po thotë të vërtetën rreth procesit të dialogut me Beogradin.

Ai u shpreh se procesi i normalizimit të marrëdhënieve është një ‘farsë’ dhe se emisarët e SHBA-së dhe BE-së kanë e humbur besueshmërinë.

Sipas tij, pa njohje reciproke mes Kosovës dhe Serbisë, emisarët kanë dështuar në detyrat e tyre.

“Faleminderit Ministre e Punëve të Jashtme që thoni të vërtetën: procesi i “normalizimit” është një farsë pasi të dërguarit e SHBA-së dhe BE-së kanë humbur besueshmërinë e tyre. Pa njohje reciproke mes Kosovës dhe Serbisë ata kanë dështuar në punën e tyre”, ka shkruar Bugajski.