“Burrë shteti i shkëlqyer”! Pakistani nominon Donald Trump për Çmimin Nobel për Paqen

Pakistani ka thënë se do ta rekomandojë presidentin amerikan, Donald Trumpi për çmimin Nobel për Paqen për punën e tij në zgjidhjen e konfliktit të kohëve të fundit midis Indisë dhe Pakistanit, raporton The Guardian.

Ky veprim, i njoftuar të shtunën, erdhi ndërsa presidenti amerikan po shqyrton mundësinë për t’u bashkuar me Izraelin në sulmin ndaj objekteve bërthamore të Iranit.

“Presidenti Trump demonstroi largpamësi të madhe strategjike dhe një burrë shteti të shkëlqyer përmes një angazhimi të fuqishëm diplomatik si me Islamabadin ashtu edhe me Nju Delhin, gjë që çaktivizoi një situatë që po përkeqësohej me shpejtësi”, tha Pakistani në një deklaratë. “Kjo ndërhyrje është një dëshmi e rolit të tij si një paqebërës i vërtetë.”

Qeveritë mund të nominojnë njerëz për çmimin Nobel për Paqen .