Çfarë ndodhi? Policia vë në pranga futbollistin në fushë, pjesë e bandës kriminale

Një futbollist 24-vjeçar është arrestuar në mes të ndeshjes nga policia, pasi akuzohet se është pjesë e një Klani vrasësish.

Mediat braziliane kanë publikuar pamje nga momenti i arrestimit të 24-vjeçarit, të cilit i janë vënë prangat në mes të fushës.

Një video e publikuar më pas në rrjete të ndryshme sociale, e filmuar nga disa spektatorë në tribuna, tregon të riun që merret nga oficerët e policisë gjatë ndeshjes mes Mutum dhe Durandé për “Copa do Café”.

Oficerët e policisë ishin informuar se 24-vjeçari do të ishte titullar në ndeshje, dhe kishin marrë të gjitha masat për arrestimin e tij.

Urdhër arresti i lëshuar ndaj tij e identifikon atë si drejtuesin e dyshuar të një klani të egër të trafikut të drogës në zonën Espirito Santo. Po ashtu, ai akuzohet se është pjesë e një klani vrasësish nga Vitoria, të cilët organizuan një atentat kundër një rivali disa javë më parë.

Policia ushtarake e Minas Gerais konfirmoi më pas për mediat lokale se futbollisti ishte prej kohësh i njohur për policinë, sepse kishte precedentë kriminalë duke përfshirë sulme, kërcënime, trafik droge dhe krime të lidhura me armë zjarri