Champions League/ Real Madridi i falet Bellinghamit, Juventusi pa shënjestër, Chelsea dhe Liverpool fitojnë me nga 5 gola

Këtë të mërkurë u zhvilluan nëntë ndeshjet e mbetura për raundin e tretë në fazën e ligës së Champions League. Real Madrid fitoi 1-0 kundër Juventusit, teksa Chelsea mposhti 5-1 Ajaxin. Po me këtë rezultat Liverpooli fitoi në Gjermani kundër Eintrachtit, ndërsa Bayern Munich mposhti 4-0 Club Brugge.
Në ‘Bernabeu’, Real Madridi iu fal golit të Jude Bellingham për të marrë suksesin e tretë këtë edicion të Champions League, duke mposhtur 1-0 Juventusin. ‘Zonja e Vjetër’ nuk i shfrytëzoi dy mundësi të mira me Vlahovic dhe Openda për të shënuar. Juve ende nuk ka asnjë fitore në Champions League, ndërsa madrilenët iu bashkohen skuadrave që kanë nga nëntë pikë.
Në Londër, Chelsea fitoi 5-1 kundër Ajax me golat e Guiu, Caicedo, Fernandez, Estevao dhe George. Edhe Liverpool fitoi 1-5 kundër Eintrachtit në Frankfurt. Golat për të kuqtë u shënuan nga Ekitike, van Dijk, Konate, Gakpo dhe Szoboszlai.

Në Munich, Bayern fitoi 4-0 kundër Club Brugge me golat e Karl, Kane, Diaz dhe Jackson.

Pas tre raundeve të para, PSG, Bayern, Inter, Arsenal dhe Real Madrid kanë nga nëntë pikë.

Champions League, raundi tre:

E mërkurë, 22 tetor 2025

18:45

Athletic Bilbao 3-1 Qarabag

Galatasaray 3-1 Bodo/Glimt

21:00

Atalanta 0-0 Slavia e Pragës

Bayern Munich 4-0 Club Brugge

Chelsea 5-1 Ajax

Eintracht Frankfurt 1-5 Liverpool

Monaco 0-0 Tottenham

Real Madrid 1-0 Juventus

Sporting Lisbone 2-1 Marseille

Renditja: