Champions League: Reali fiton sfidën spektakolare ndaj Atalantës, Leverkusen shtang Interin

Spektakël dhe gola në sfidat e mbrëmjes së Champions League. Atalanta-Real Madrid zhvilluan një ndeshje fantastike që dhuroi shumë emocione, por që u fitua 3-2 nga skuadra e Ancelottit.

Mbappe zhbllokoi duelin në minutën e 10-të me një lëvizje të bukur, por bergamaskët do të barazonin me De Ketelaere. Në pjesën e dytë, Reali rikthehet në avantazh të dyfishtë falë golave të Vinicius dhe Bellingham. Atalanta nuk dorëzohet dhe rihapi duelin me Lookman, ndërkohë që në fundin e takimit Retegui humbi një rast me portën e boshatisur.

Bayer Leverkusen mori një fitore të çmuar 1-0 ndaj Interit. “Aspirinat” dominuan në lojë dhe në raste, por golin do ta gjenin vetëm në minutën e 9-të. Mukiele arriti që t’i jepte fitoren skuadrës së Leverkusenit. Tek Interi kishte hapësira në fund edhe për Asllanin, që u aktivizua në pjesën e dytë.

Bayerni mori një fitore 5-1 në transfertën ndaj Shakhtar Donesk, ndrkohë që PSG u kthye të fitoret në suksesin 3-0 kundër Salzburgut.