Cili do të jetë fati i Kosovës pas ndërprerjes së ndeshjes? Ja çfarë thuhet në rregullat e UEFA-s

Ndeshja mes Rumanisë dhe Kosovës është ndërprerë për shkak të thirrjeve nacionaliste nga tifozët rumunë. Po luhej minuta e 90-të e takimit kur kapiteni Amir Rrahmani udhëzon pjesën tjetër të skuadrës që ta lë menjëherë fushën dhe të marrin rrugë në drejtim të zhveshtoreve. Duke marrë parasysh se është përsëritur sërish situata e disa kohë më parë, pasi për tifozët rumunë kjo nuk është hera e parë që ofendojnë lojtarët tanë në këtë mënyrë, ata vendosën kësaj radhe ta lënë fushën. Por, çfarë thonë rregullat e UEFA-s kur kemi të bëjmë me raste të tilla?

Nëse një klub refuzon të luajë ose është përgjegjës për një ndeshje (përfshirë çdo gjuajtje penallti) që nuk zhvillohet ose nuk luhet plotësisht, Organi i Kontrollit, Etikës dhe Disiplinës së UEFA-s e shpall ndeshjen të humbur nga klubi/kombëtarja në fjalë. Për më tepër, nëse rrethanat e rastit e justifikojnë këtë, Organi i Kontrollit, Etikës dhe Disiplinës së UEFA-s mund të vendosë çdo masë disiplinore të mëtejshme që konsiderohet e përshtatshme për klubin/kombëtaren në fjalë, duke përfshirë përjashtimin nga gara.