Çoroditja e madhe/ Kurti tradhëtar apo bashkimi me Serbinë

Sipas analistit Milazim Krasniqi, konflikti ndërmjet Albin Kurtit e Edi Ramës, shkon shumë përtej profileve të tyre psikologjike dhe madje shumë përtej ngjarjeve të fundit. Ky konflikt ka të bëjë me krizën e thellë të qëndrimit ndaj kombit shqiptar i cili ka hyrë në një proces halucinant çrregullimi e deformimi.

Ligjërues universitar dhe Profesor i Asocuar i Gazetarisë në Universitetin e Prishtinës u shpreh se shqiptarët e Kosovës, të dominuar nga ideologjia dhe praktika staliniste e Albin Kurtit, tashmë janë shumë nevrikë, nevrastenikë dhe paranojakë. Nuk  durojnë asnjë fjalë, asnjë këshillë, asnjë vërejtje. Madje as nga Bill Klintoni, çlirimtari i madh i Kosovës. Lëre pastaj të durojnë ndonjë fjalë a veprim nga Edi Rama.

“Tashmë sulmet edhe ndaj Bashkimit Evropian janë sublimuar në shprehjen e famshme maoiste të Donika Gërvallës se Bashkimi Evropian na qenka tigër prej letre” – tha Krasniqi, sipas të cilit, “Nëse vazhdon kjo çoroditje, në Kosovë mund të ndodhë që armiqësia ndaj Shqipërisë do zëvendësojë armiqësinë ndaj Serbisë, që gjenerata e reja në Kosovë mund të bëhen antishqiptare, që mund të kërkohet në në ardhmen bashkimi me Serbinë siç po kërkojnë një masë e madhe proserbe në Malin e Zi apo dhe të rikthehet nacionalizmi burimor shqiptar e cila Albin Kurtin do ta shpallte tradhtar të kombit shqiptar.

“Unë besoj se kjo e fundit ka më shumë gjasa të ndodhë, bile në të ardhmen jo fort të largët” – theksoi Milazim Krasniqi