Dash Sula zbardh “eskursionin” e PD në Strasburg: Unë nuk takova njeri në fakt

Dash Sula, që ka qenë në Strasburg me kolegët e vet të PD, thotë se lidhur me çështjen “Meta” lindi nevoja për të informuar parlamentarët evropianë, pasi sipas tij, këta të fundit nuk janë të mirëinformuar dhe se na shohin si një shtet normal e demokratik.

Sipas tij, opozita është në dhunim pasi fjala dhe të drejtat e saj censurohen.

“Unë nuk kam qenë në takimet e ngushta me takimet me eurodeputetët, gjithsesi e rëndësishme  është që kemi informuar të gjithë parlamentarët në Parlamentin Europian në Strasburg për situatën e Shqipërisë sepse me siguri nuk  kanë informacione se çfarë po ndodh në vendin tonë.

Sepse në syrin e parë Shqipëria duket si një shtet normal dhe demokratik. Por që në të vërtetë nuk është aspak demokratik.

Gjatë 34 viteve të fundit, politika e çuar shtetin shqiptar deri në këtë pikë. Midis parlamentit europian dhe atij shqiptar mund të themi që ky i fundit është një errësirë ku fjala dhe të drejtat e opozitës censurohen”, tha Sula.