Detyra e të dërguarit të Trump, 100 ditë për t’i dhënë fund luftës në Ukrainë

Presidenti i SHBA-ve, Donald Trump i ka dorëzuar gjenerallejtënantit në pension Keith Kellogg detyrën për t’i dhënë fund luftës në Ukrainë brenda njëqind ditësh, raporton Wall Street Journal.

Pothuajse askush nuk mendon se mund ta bëjë këtë – veçanërisht rusët – shton WSJ-ja.

Lufta në Ukrainë, e nisur nga Rusia në vitin 2014, supozohej të zgjidhej “në njëzet e katër orë”, sipas Donald Trump.

Ai ndryshoi mendje gjatë fushatës së tij, duke shpallur në vend të kësaj një afat “disajavor”.

“Një nga prioritetet e tij absolute do të jetë përfundimi i shpejtë i luftës në Ukrainë”, kishte vërtetuar menaxheri i fushatës së tij, Steven Cheung, korrikun e kaluar.

Presidenti, i betuar të hënën, madje kishte përshkruar metodën e tij në Fox News: ai do të telefononte Volodymyr Zelensky dhe Vladimir Putin me të cilët ruan “marrëdhënie të mira”.

“Unë do t’i thoja Zelensky-it: mjaft me kaq, duhet të bësh një marrëveshje”. “Dhe unë do t’i thoja Putin-it: nëse nuk bën një marrëveshje, ne do të japim shumë (për Ukrainën – ed.). Më shumë se sa kanë marrë ndonjëherë nëse do të duhet”.

Nëse afati fantastik njëditor për të zgjidhur një nga konfliktet kryesore të fillimit të shekullit të 21-të është tejkaluar, është e qartë se Donald Trump duket se po e merr seriozisht zgjidhjen e tij.

“Zelensky dëshiron të bëjë një marrëveshje. Nuk e di nëse Putin-i dëshiron, ndoshta jo. Ai duhet. Unë mendoj se ai po shkatërron Rusinë duke mos gjetur një zgjidhje”, tha ai në Zyrën Ovale disa orë pas marrjes së detyrës.

“Rusia po shkon drejt telasheve të mëdha. Shikoni ekonominë, inflacionin”, shtoi ai.

Është, në fakt, mbi 9.5 për qind, shkalla e tretë më e lartë në mesin e pesëdhjetë ekonomive më të mëdha të botës.

Bankës qendrore ruse iu desh të rriste normat e interesit në 21 për qind, dhe rubla, monedha ruse, humbi 8 për qind kundrejt dollarit në nëntor.

Si për të zbatuar strategjinë e tij, Donald Trump njoftoi të martën se sanksionet e reja kundër ekonomisë ruse “ka të ngjarë” të vendosen.

“Ne do të flasim me presidentin Putin shumë shpejt dhe do të shohim se çfarë do të ndodhë”, tha ai.

Kjo është hera e parë që krerët e shtetit amerikan dhe rus takohen që nga pushtimi në shkallë të gjerë i 24 shkurtit 2022.

Megjithatë, në frontin ushtarak, avantazhi mbetet me Kremlin-in, i cili vazhdon të përparojë në Donbas, tani duke kërcënuar qytetet Pokrovsk dhe Toretsk.

Prandaj, interesi për Vladimir Putin, i cili ka arritur të gjejë kundërmasa ekonomike kundër sanksioneve perëndimore, për të negociuar nuk duket i qartë.

Në mesazhin e tij të urimit për presidentin amerikan, ai megjithatë bëri të ditur se ishte “i hapur për dialog” dhe po kërkonte “një paqe të qëndrueshme” dhe jo një “armëpushim të shkurtër”.