“Detyrohesh t’i thuash derrit dajë”, ja si reagon Kurti për deklaratën e Berishës

Albin Kurti, Kryeministri i Kosovës ka shmangur komentet lidhur me deklaratën e Kreut të Partisë Demokratike Sali Berisha mbi takimin e tij me Kryeministrin Edi Rama në Vlorë me rastin e Ditës së Flamurit. Fjalisë “T’i thuash derrit dajë” nga Berisha gjatë daljes publike në Vlorë, Kurti i është përgjigjur duke thënë se ka kohë për tema të tilla.

Gjatë fjalës së tij Berisha i është përgjigjur pyetjes së gazetarëve për takimin Rama-Kurti në Vlorë me ironi “epo nganjëherë do detyrohesh t’i thuash edhe derrit dajë”.

Nga ana tjetër Kurti ka theksuar se nuk është dita për të bërë dallime politike për polemikat aktuale.

“Nuk është sot dita që të flasim për dallimet politike, për polemikat aktuale, por sot jemi bashkë, shqiptarët e kanë të përbashkët gjuhën dhe kulturën, historinë dhe ardhmërinë dhe e tashmja mbushet me kuptim pikërisht në këtë mënyrë. Kemi ditë shumë ditë të tjera përgjatë vitit për tema të tilla”.-ka thënë Kurti.

28 Nëntori ka bërë bashkë Ramën dhe Kurtin në Vlorë pas një kohe të gjatë, ku sipas komenteve të dy krerët kanë pasur kontradikta lidhur me ngjarjet e ndodhura në Veri të Kosovës kohët e fundit. Dy kryeministrat gjatë pjesëmarrjes së tyre në Vlorë ditën e sotme nuk janë parë të shkëmbejnë bisedë dhe as të zhvillojnë takim të veçantë.

Kujtojmë se Rama disa javë më parë ka anuluar prezencën në mbledhjen mes dy qeverive për shkak se Kosova nuk ka dëgjuar opinionet e ndërkombëtarve lidhur me situatën që lidhen me ngjarjet e ndodhura në Banjskë.