Dhuna për guroret/ Banori: Shefi i komisariatit na kërcënoi të mos ankohemi

Pas sherrit brutal, ku anëtarë të fisit Rraja dhunojnë në mënyrë barabare dy kushërinjtë Maja, të cilët ishin ankuar se shpërthimet në guroren e Rrajave po u dëmtonte banesat, banorët kanë ngritur shqetësimet.

Një banor nga një fshat tjetër thotë për Report.Tv se ka bërë 40 denoncime, por shteti nuk ka marrë asnjë masë. Madje ai pretendon, se shefi i komisariatit u ka thënë të mos ankohen e të mos bllokojnë punën në gurore se do t’i arrestojë.

Banori: Kemi bërë 40 denoncime, tek komisariati i Fushë Krujës, kemi bërë takimin me kreun e degës dhe na ka thënë po bllokuar guroret jeni të gjithë më burg. Kryetari i degës na thonte që iu ve prangat për gjysmë ore. Fillon vëlla vrasja. Kemi bërë protesta pak më herët, jemi zënë, shpërndajnë ryshfete, për atë është përçarë protesta.