‘Dimri i luftës’ troket mbi Europë

‘Dimri i luftës’ troket mbi Europë

Europa po nxiton të zbusë efektet e krizës energjetike në tregjet financiare dhe ekonominë reale.

Kryeministrja suedeze Magdalena Andersson njoftoi garanci financiare “me miliarda dollarë” për grupet e energjisë në vendet nordike dhe baltike për të përballuar atë që po quhet “dimri i luftës”.

“Nëse nuk veprojmë menjëherë – tha ajo – mund të ketë shqetësime serioze në sistemin financiar në vendet nordike dhe baltike. Në rastin më të keq, një krizë financiare. Kjo ndodh sepse prodhuesit e energjisë elektrike rrezikojnë të mos jenë në gjendje të garantojnë likuiditetin e nevojshëm. për të përballuar pasojat e mbylljes së gazsjellësit ‘Nordstream 1’.

Qeveria finlandeze ka rënë gjithashtu dakord të krijojë fonde emergjente për të stabilizuar tregun e energjisë elektrike.

“Luhatjet e fundit në çmimet e energjisë elektrike kërkojnë që qeveria të marrë masa të shpejta për të siguruar stabilitet” – tha kryeministrja finlandeze Sanna Marin në një konferencë shtypi në Helsinki, duke njoftuar vendosjen e një ndërhyrjeje emergjente prej 10 miliardë euro nga komisioni ministror për politikën ekonomike pranë qeverisë.

Edhe Kancelari gjerman Olaf Scholz prezantoi një paketë të tretë ndihme, që arrin në 65 miliardë euro, për të lehtësuar presionin mbi familjet dhe bizneset, të përkeqësuara nga rritja e inflacionit dhe kostot e energjisë.