Djemtë e Trump po ndërtojnë një perandori familjare nën patronazhin e Shtëpisë së Bardhë

“Një lloj konkurrence po zhvillohet këto ditë në të gjithë Evropën, SHBA-në dhe Lindjen e Mesme midis dy djemve më të mëdhenj të Presidentit të SHBA-së, Donald Trump, të cilët duket se po përpiqen të tejkalojnë njëri-tjetrin në një përmbytje sipërmarrjesh familjare fitimprurëse që përfitojnë nga emri dhe pushteti i babait të tyre” – Keshtu ka shkruar prestigjozja amerikane New York Times, sipas se ciles, nxitimi ka te beje me mbledhjen e miliarda dollareve, e pa precedente ne hisotrine e Amerikes.

New York Times kujton se ne Serbi dhe Shqiperi familja Trump planifikon të ndërtojë hotele në pronësi të familjes Trump dhe Jared Kushner, dhëndri i presidentit amerikan, në rolin e ndërtuesit.

New York Times përmend edhe disa nga projektet që përfshijnë Donald Trump Jr. dhe vëllain e tij, Eric, pershembull një hotel luksoz në Dubai, një rrokaqiell banimi luksoz në Xheda, dy projekte kriptomonedhash në SHBA, një fushë e re golfi dhe kompleks vilash në Katar dhe një klub i ri privat në Uashington.

Media amerikane shkruan se “Maratona e tyre e arritjes së marrëveshjeve është aq e shpejtë sa shumë elementë të saj tërheqin vetëm vëmendje të kufizuar nga publiku amerikan, edhe pse pjesa më e madhe e saj zhvillohet në sy të publikut”.

Kjo, thekson gazeta, ndodh pjesërisht sepse djemtë e Trump shfaqen në mesin e një audience të përbërë kryesisht nga servilë, dhe pjesërisht sepse babai i tyre, presidenti, bashkëpunëtorët e tij dhe këshilltari i tij miliarder, Elon Musk, bëjnë bujë në media me një rrjedhë të vazhdueshme polemikash në të cilat ata shkelin normat.

Shtëpia e Bardhë thotë se nuk ka probleme etike në biznesin e bijve të Trump për shkak të faktit se ata i menaxhojnë vetë këto biznese dhe pretendojnë se “nuk ka konflikte interesi”.

Eric Trump i tha gazetës The New York Times se shumë nga bizneset që ai dhe vëllai i tij po promovojnë, nga bizneset e kriptomonedhave te pasuritë e paluajtshme, kanë qene në zhvillim e sipër përpara se babai i tyre të rizgjodhej president i SHBA-së.