Dodik dhe Trump krijojnë shtetin e ri në Europë/ Newsweek për projektin

Milorad Dodik, presidenti i Republika Srpska, deklaroi se nëse Donald Trump zgjidhet president në vitin 2024, ai do të shpallë pavarësinë nga Bosnje Hercegovina.

Dodik, kujton portali amerikan Newsweek, është në krye të qeverisë së Republika Srpska që nga viti 2006, duke vënë në pikëpyetje unitetin e shteteve dhe shpesh duke shprehur planet e tij për pavarësi.

Veprimet e Dodik në të kaluarën kanë tërhequr kritika dhe pasoja ligjore, të tilla si sanksionet e SHBA në vitin 2022 pasi ai shkeli Marrëveshjen e Dejtonit.

Administrata e presidentit Joseph Biden e akuzoi Dodikun se për vite me radhë ka avokuar për ndarjen e serbëve të Bosnjës.

Gjatë verës, lideri i Republikës Srpska nënshkroi një ligj që injoron vendimet e Gjykatës Kushtetuese të Bosnjë-Hercegovinës, sipas raportit të gazetës juridike ‘Jurist’.

Nëse Trump fiton zgjedhjet e vitit 2024, kjo mund t’i japë Dodikut besimin për të shpallur zyrtarisht pavarësinë.

Sipas sondazheve, Trump, i cili po përballet me disa procese gjyqesore, është kandidati i preferuar i republikanëve për zgjedhjet e vitit 2024.