Dosja e Safet Gjicit përfundon në duart e një gruaje, hetuesit në kërkim të…

Pas video-skandalit ku ish-kryebashkiaku i Kukësit, Safet Gjici, është filmuar duke kryer marrëdhënie seksuale me një vajzë në ambientet e zyrës, Prokuroria e Posaçme kundër Korrupsionit dhe Krimit të Organizuar nisi hetimet nën akuzën për “shpërdorim detyre”.

Prokurorja e SPAK-ut e cila është ngarkuar me hetimin e Gjicit, është Manjola Kajana. Ajo ka nisur verifikimet për të parë përgjegjësinë penale të ish-kryebashkiakut në rastin konkret të “shpërdorimit të detyrës”, por edhe për të hetuar në lidhje me ndonjë kurth të ngritur ndaj tij, për ta shantazhuar në këmbim të favoreve të tjera që mund të lidhen me detyrën e tij. Për të zbardhur rastin janë marrë në shqyrtim që nga regjistri i hyrje-daljeve në Bashki, e deri te pamjet filmike dhe dokumentet.

Ndonëse është identifikuar vajza që ndodhet në videon e ish-kryebashkiakut të Kukësit, ende nuk ka të dhëna që është marrë në pyetje. SPAK ka kërkuar dëshminë e vajzës që shfaqet ne video së bashku me Gjicin, për të cilën ka dyshime se ka qenë ajo vetë që ka realizuar filmimin përmes një kamere të fshehtë të vendosur në çantën e saj.