‘Dua takim me Dumanin’/ Një i panjohur shfaqet para dyerve të SPAK me dy kafshë të ngordhura

“I kërkoj hetim urgjent zotit Altin Dumani,“-kjo ka qenë kërkesa e një qytetari, i cili ‘protestoi’ sot para SPAK. Personi në videon e mëposhtme, prej disa javësh kërkonte takim me kreun e Strukturës së Posaçme kundër Korrupsionit dhe Krimit të Organizuar, Altin Dumani.

Kjo pasi i është bërë një dëm i madh!

Personi që protestoi sot, i cili ende nuk është identifikuar me emër, pretendon se grupet kriminale i kanë vrarë 300 kokë bagëti, por nuk e specifikon si ka ndodhur ngjarja. Ndaj për të bërë një kallëzim, apo për të vënë në dijeni autoritetet, shkoi sot në dyert e SPAK me dy bagëti të ngordhura. Teksa i mbante në duar, protestonte me to.

Por efektivët e Policisë nuk e lanë që të çonte deri në fund mesazhin e tij dhe e larguan nga muri rrethues i godinës.