“Duhet të…”/ Reagon Oborri Mbretëror pas videos së dhunshme mes Elia Zaharisë dhe Princit Leka

Oborri Mbretëror ka reaguar së fundmi për konfliktin mes Elia Zahairsë dhe Princit Leka dhe videos virale. Në reagim thuhet fillimisht se pasi i është ushtruar dhunë me sende të forta nga ish-gruaja dhe ish-vjehrri, Princ Leka ka dorëzuar videon në polici. Sipas Oborrit Mbretëror, jo vetëm videoja por edhe deklarata e Princit kanë qarkulluar pa lejen e tij pasi duhet të ishin sekrete. Reagimi mbyllet me zhgënjimin ndaj policisë si dhe kërkesën për fshirjen e videove nga rrjetet sociale.

Reagimi i plotë:

Përshëndetje, siç edhe jeni informuar, Princ Leka pasditen e 5 marsit ështe sulmuar fizikisht me sende të forta nga ish-bashkëshortja dhe ish-vjehrri i tij dhe videot e këtij momenti janë bërë publike në rrjetet sociale.
Videot jane dorëzuar vetëm në komisariatin e policisë nga Princ Leka ll Zogu, si provë materiale për dhunën e ushtruar ndaj tij, por pavarësisht se janë kosideruar si nje sekret, këto materiale, së bashku me deklaratën, qarkulluan gjerësisht në rrjetet sociale dhe në medie duke përciell imazhe të pakëndëshme dhe me përmbajtje dhune.
Oborri Mbretëror shpreh thellësishtë zhgënjimin nga institucionet ligjzbatuese te të cilat dyshojmë se kanë cënuar të drejtën e anonimitetit, duke shpërndarë videot te të tretë.
Gjithashtu Oborri Mbretëror kërkon ndërhyrjen e policisë dhe institucioneve përkatëse për fshirjen e këtyre imazheve nga rrjetet sociale dhe nga mediet.”-thuhet në reagimin e oborrit mbretëror shqiptar.