DY AKTORE DHE NJE ZGJIDHJE/ Propozimi i Ramës për Kurtin, barka e shpëtimit në prag të shkurtit

Miloš Pavkoviç, bashkëpunëtor i Qendrës për Politika Evropiane, vlerësoi se skenari i propozuar nga kryeministri Edi Rama, i cili praktikisht nënkupton ndryshimin e formatit të dialogut ndërmjet Beogradit dhe Prishtinës, në mënyrë që në vend të dialogut trepalësh, të kishte vetëm dialog ndërmjet Prishtinës dhe Brukselit, nuk është realist dhe sipas tij, kjo ide nuk ka potencial për të marrë mbështetje aty ku është e nevojshme.

“Deklarata e Ramës ka vlerë të dobishme për opinionin publik vendas dhe është dhënë mbi të gjitha në kuadër të zgjedhjeve të ardhshme parlamentare ne Kosove”, theksoi Pavkoviq, sipas te cilit duhet parë konteksti më i gjerë në të cilin është bërë kjo deklaratë.

Rama, shtoi ai, kishte qëndrime të ngjashme ekstreme edhe gjatë verës së vitit 2023, kur propozoi përfundimin e dialogut dhe organizimin e një konference ndërkombëtare për zgjidhjen e çështjes së statusit të Kosovës, por kjo ide nuk mori jehonë.

Duke pasur parasysh se presidentja e Kosovës, Vjosa Osmani, ka shprehur qëndrime të ngjashme – se Kosova mund të zbatojë Marrëveshjen e Brukselit dhe Aneksin e Ohrit në mënyrë të njëanshme, nëse merr garanci nga partnerët ndërkombëtarë se në këmbim do të përfitojë njohje dhe anëtarësim në organizatat ndërkombëtare, Pavkovic u shpreh se Osmani në fakt ka propozuar që proceset e integrimit evropian të Kosovës dhe dialogu Beograd-Prishtinë të ndahen, sepse ajo beson se dialogu Beograd-Prishtinë po e pengon procesin e integrimit evropian.

I pyetur nëse dialogu në formatin aktual ka alternativë, Pavkovic deklaroi se dialogu i ndërmjetësuar nga BE-ja tashmë është alternativë ndaj dialogut të pasuksesshëm që zhvillohet nën kujdesin e Kombeve të Bashkuara.