Dy ura zjarri në takimin e Ohrit/ Dialogu Kosovë-Serbi në udhëkryq

Bashkimi Evropian dhe Shtetet e Bashkuara të Amerikës i kanë bashkuar forcat për të çuar Kosovën dhe Serbinë drejt një marrëveshjeje të përkohshme. Pajtimi në Bruksel për planin franko-gjerman ka lehtësuar një pjesë të punës, megjithatë për çështjet më të ndjeshme pritet zgjidhje në Ohër më 18 mars.

Në këtë takim të radhës mes të kryeministrit Albin Kurti dhe presidentit serb, Aleksander Vucic, duhet të zgjidhen dy çështje, për të cilat është e nevojshme ndryshim pozicioni nga Kurti dhe Vuçiç.

Presidentit serb do t’i duhet të tërhiqet nga pozicioni i tij dhe të jepte dritën jeshile për anëtarësimin e Kosovës në të gjitha organizatat ndërkombëtare, pa përfshirë OKB-në.

Ndërsa për kryeministrin Albin Kurti duhet të hap rrugën për krijimin e Asociacionit të Komunave me Shumicë Serbe edhe pse është kundër krijimit të çfarëdo forme institucionale dhe territoriale të këtij komuniteti.

Sipas ‘Deutsche Welle’, mes palëve ende ka shumë skepticizmi bazuar në të kaluarën, dhe një marrëveshje potenciale në Ohër s’do të ndryshonte situatën dhe problemet reale në terren.