Dyfishohen rastet e reja me COVID-19 dhe rritet numri i viktimave

Eshtë dyfishuar numri i të infektuarve gjatë 24 orëve të fundit në vend.

Sipas Ministrisë së Shëndetësisë nga 8136 teste të realizuara kanë rezultuar pozitive për COVID, 2177 qytetarë.

Gjithashtu bëhet me dije se 6 pacientë kanë humbur jetën.

Në 24 orë janë shëruar 639 qytetarë. Aktualisht në të gjithë vendin 15,318 pacientë janë aktivë me COVID19

Sakaq në spitalet COVID po marrin trajtim 116 pacientë, nga të cilët 14 janë në gjendje më të rënduar.

Ministria e Shëndetësisë i bën apel qytetarëve të vaksinohen sa më parë, për të mbrojtur veten dhe shëndetin e të tjerëve