E bujshme/ Chelsea nxjerr në shitje Armando Brojën, tre klube pas shqiptarit

Chelsea ka dëshirë të lejojë Armando Brojën të largohet në mënyrë të përhershme dhe një largim i tij i mundshëm nuk është në varësi të blerjes së një zëvendësuesi nga ekipi. Ka interes nga disa klube të ndryshme për sulmuesin 22-vjeçar, përfshirë Fulham, West Ham dhe Wolves. Çdo afrim i ri në janar ose në verë është i pavarur nga situata e Brojës, me Nkunku që pritet të kthehet nga lëndimi shpejt”, shkruhet nga ‘The Athletic’.

Edhe pse 22-vjeçari ka kontratë me ekipin deri në verën e 2028, te Chelsea janë joshur nga ofertat e shumta për shqiptarin dhe 30-35 milionë euro nuk janë pak për një futbollist që është produkt i Bluve. Dy gola ka shënuar Broja këtë sezon te Chelsea, teksa u rikthye nga një dëmtim i gjatë që e mbajti jashtë për gati një vit.