E rëndë/ Tre burra godasin një grua, i hedhin spraj në fytyrë

Një ngjarje e rëndë ka ndodhur në lagjen numër 2 në Pogradec. Tre burra kanë qëlluar me grushte dhe i kanë hedhur spraj në fytyrë një gruaje. Pas ngjarjes, policia ka arrestuar shtetasin Gledis Dikollari, 23-vjeç teksa ka shpallur në kërkim dy bashkëpunëtorët e 23-vjeçarit, personat me inicialet N. Ç., 39 vjeç dhe E. Ç., 40 vjeç, banues në Pogradec,

Njoftimi i policise:

Specialistët për Hetimin e Krimeve të Komisariatit të Policisë Pogradec arrestuan në flagrancë shtetasin G. D., 23 vjeç, banues në fshatin Buçimas, Pogradec dhe shpallën në kërkim shtetasit N. Ç., 39 vjeç dhe E. Ç., 40 vjeç, banues në Pogradec, pasi në lagjen nr. 2, Pogradec, këta shtetas, në bashkëpunim me njëri-tjetrin, gjatë një konflikti për motive të dobëta, dyshohet se kanë goditur me grushte dhe i kanë hedhur në fytyrë, lëndë të dëmshme (sprajt), një shtetaseje, e cila ndodhet jashtë rrezikut për jetën. Materialet i kaluan Prokurorisë pranë Gjykatës së Shkallës së Parë Pogradec, për veprime të mëtejshme.