E rëndë/ Vritet me thikë 17-vjeçari shqiptar, dyshimet për përplasje me…

Një ngjarje e rëndë ka ndodhur në qytetin e Pescaras në Itali, ku një adoleshent shqiptare është gjetur i vrare me thikë.

Mediat italiane shkruajnë se viktima nuk kishte me vete dokumente. Por kishte plagë të shumta thike në trup.

Prokurori i gjykatës për të mitur në L’Aquila, David Mancini, konfirmoi se bëhej fjalë për vrasje.

Sipas informacioneve fillestare, ekipet e shpëtimit 118 kanë marrë një telefonatë rreth orës 21:00 të së dielës në mbrëmje: djali me origjinë shqiptare është gjetur me fytyrën të kthyer në tokë. Aktualisht pista kryesore e hetimit është ajo e drogës. Vrasja duket se ka ndodhur në kulmin e një debati.

Të arrestuar janë dy djem: dy të mitur, njëri nga të dy është djali i një komandanti policie të stacionit lokal, tjetri djali i një avokati të njohur nga Pescara. Dy të miturit ndodhen në komisariat për t’u marrë në pyetje.

Goditja me thikë mendohet se ka ardhur pas një debati, por mbetet ende për t’u vlerësuar se cila ishte arsyeja që shkaktoi, edhe pse hipotezat e para dyshohet se konflikti ka ndodhur për një borxh prej disa qindra eurosh të lidhura me tregtimin e drogës.