Edi Paloka shpall fitoren: Ka një muaj që jemi kthyer forcë e parë politike në vend, na ndihmoi shumë Trump

Edi Paloka thotë se Partia Demokratike është kthyer në forcën e parë politike në vend.

Sipas tij, për këtë ka ndikuar ndjeshëm dhe fitorja e Donald Trump në Amerikë.

“Ndryshimi i situatës politike brenda dhe jashtë vendit është sikleti më i madh që ka Edi Rama.

PD në më pak se 1 muaj, u kthye nga një forcë që luftonte për mbijetesë, në një forcë të parë politike, në forcën fituese, që sot shihet dhe ndihet kudo ky perceptim.

Fitorja e Trump, dy rezolutat, lirimi i detyruar i Berishës prej drejtësisë këtu, e sollën këtë ndryshim brenda një muaji.

Rama është i zbuluar, por e mbronte Soros dhe faktorë të tjerë, që dukej i paprekshëm dhe arrogant.

Por kjo mburojë i ka rënë dhe ai e di tani që është më i dobët se kurrë nga këta faktorë, sidomos nga drejtësia.

Ai i trembet faktit, sepse një shërbëtor, që sot i shërben Ramës, nesër i shërben një tjetri dhe të çojë Ramën në burg dhe këto kanë ndodhur”, tha Edi Paloka për televizionin e familjes Berisha.