Eksperti amerikan me mesazhe të fuqishme, tregon skenarin e dialogut Kosovë-Serbi

Eksperti amerikan në shkenca politike Alon Ben-Meir, ka thënë se situata në Kosovë është stabile dhe se nuk do të ketë trazira dhe se dialogu mes dy vendeve do të vazhdojë, teksa konsideron se çështja e dinarit do të mbetet e pandryshueshme. Ai gjithashtu theksoi për arrestimin e Milan Radoiçicit, se INTERPOL do ta gjejë shumë shpejt dhe do të marrë dënimin e duhur.

“Kushtet e brendshme politike të Kosovës janë stabile dhe nuk do të ketë asnjë destabilitet politik dhe sigurisht nuk do të ketë trazira. Persa i përket pozitës politike të Kosovës në sytë e bashkësisë ndërkombëtare, ajo mbetet në thelb solide. Edhe pse Kosova është njohur nga mbi 100 vende, duke përfshirë SHBA-të dhe shumicen e shteteve anëtare të BE-së, duke pasur parasysh se gati 100 vende të tjera ende nuk e kanë njohur pavarësinë e Kosovës dhe nuk është njohur nga Keshilli I Sigurimit I Kombeve te Bashkuara, ndikimi dhe ndikimi i Prishtinës në skenen globale eshtë i kufizuar, pork jo mund dhe do të korrigjohet me kalimin e kohës, teksa Kosova fokusohet në forcimin e institucioneve të saj demokratike, të cilat më shumë se çdo gjë tjetër, e forcojnë pavarësinë e saj dhe i bëjnë presion Serbisë për të zbutur pozicionin ndaj Kosovës, dhe pavarësia e saj do bëhet e pakthyeshme, gjë që do ta bëjë Beogradin ta pranojë përfundimisht” – theksoi analisti i njohur amerikan

Duke folur per ceshtjen e dinarit, I cili u ndalua per perdorim nga Banka Qendrore e Kosoves, pavaresisht presionit nga Perendimi, Alon Ben Meir deklaroi:

“Nuk besoj se kryeministri Kurti mund të ndryshojë mendim për këmbimin valutor pasi kjo do të shihet si një tërheqje dhe dobësi që ai nuk mund ta përballojë, sidomos për shkak të zgjedhjeve të ardhshme ne Kosove. Thënë kështu, Kurti duhet të tregojë fleksibilitet dhe të lejojë një periudhë tranzitore 4-6 mujore dhe ta bëjë këtë në koordinim të plotë me përfaqësuesin e BE-së”

Duke iu pergjigjur pyetjes se sa afër ne dialog eshte finalizimi i marrëdhënieve mes Kosoves dhe Serbisë, Ben Meir u shpreh:

“Dialogu direkt dhe indirekt do të vazhdojë edhe për një kohë të gjatë. Për Serbinë, është e rëndësishme që ai të vazhdojë për të fituar disa favore nga BE. Megjithatë, presidenti Vuçic nuk ka ndërmend të bëjë ndonjë lëshim të rëndësishëm, veçanërisht per njohjen e pavarësisë së Kosovës. Për Kosovën, është gjithashtu thelbësore të tregojë se është gjithmonë e gatshme dhe e hapur për të negociuar me Serbinë dhe të përgatitet për të bërë lëshime reciproke me Beogradin”

Duke komentuar deklaraten e Presidentes Vjosa Osmani, e cila ka thënë se pas zgjedhjeve në Bashkimin Evropian do të ketë një ndërmjetës të ri që do të marrë përsipër dialogun Kosovë-Serbi, dhe i pyetur “A do të ketë ndryshime nëse kjo ndodh”, eksperti amerikan potencoi: –

“Çdo ndërmjetës i BE-së do të ndjekë objektivin e përgjithshëm të Unionit, që është përmirësimi i marredhenieve ndërmjet Kosovës dhe Serbisë. Dallimi do të jetë në stil dhe prioritetin e çështjeve të ndryshme konfliktuale. Megjithatë, shpresa ime është se përfaqësuesi i ri i BE-së do të ketë mësuar një ose dy gjëra nga përvojat e Borell dhe Lajçak. Unë besoj se ata kanë kafshuar më shumë se sa mund të përtypin, në vend që të fokusohen në një çështje në një kohë bazuar në reciprocitet. Kjo do të thotë, negociatat përfshijnë dhënie-marrje, ku rezultatet janë reciprokisht të dobishme. Nuk ka qenë kështu deri tani”