Eksperti i sigurisë: Tensione të mundshme etnike pa trupat amerikane në Kosovë

Eksperti i sigurisë, Drizan Shala, tha se përderisa ka mundësi që trupat amerikane të tërhiqen nga Kosova, kjo do të varet nga zhvillimet politike, ushtarake dhe diplomatike. Ai shtoi se, pa trupat amerikane, Kosova mund të përballet me tensione dhe pasiguri etnike.

Sipas Shalës, një ndryshim i strategjisë amerikane ose një angazhim më i fortë nga BE-ja apo NATO-ja mund të çojë në tërheqjen e trupave.

“SHBA-ja ka ndryshuar politikën e saj të angazhimit ushtarak në rajon gjatë periudhave të ndryshme. Nëse ka një ndryshim në pozicionet strategjike të SHBA-së ose një marrëveshje ndërkombëtare, siç është një angazhim më i fortë nga BE-ja ose NATO-ja, kjo mund të çojë në një tërheqje të trupave”, tha eksperti i sigurise

Shala paralajmëroi se tërheqja e trupave amerikane mund të çojë në pasoja të rënda, duke rritur pasigurinë dhe mundësinë e tensioneve etnike.

“Trupat amerikane janë pjesë e KFOR-it, forcës ndërkombëtare të sigurisë që garanton stabilitetin dhe mbron paqen në Kosovë”. Pa praninë e tyre, pasiguria mund të rritet, duke përfshirë mundësinë e ripërtëritjes së tensioneve midis grupeve etnike,”  – deklaroi eksperti