Ekzekutimi i biznesmenit/ Kryebashkiaku Ndreu: Është cënuar siguria publike

Biznesmeni dhe kandidati për këshillin bashkiak në Lezhë, Ardian Nikulaj është vrarë nga të paktën dy persona. Mësohet se autorët janë afruar me motor në lokalin ku ndodhej 51-vjeçari dhe një prej tyre, me skafandrën që e mbantë në kokë është futur brenda dhe qëlloi me pistoletë me silenciator në drejtim të Nikulajt.

Deri më tani raportohet se 51-vjeçari është qëlluar të paktën dy herë, por pritet që të zbardhen më shumë detaje me vijimin e hetimeve.

51-vjeçari rezulton se ka disa biznese në zonën e Lezhës dhe ka qenë gjithashtu pjesë e politikës. Aktualisht ai garonte në listën e anëtarëve të Këshillit Bashkiak dhe më parë ka kandiduar për deputet në Lezhë në listën e PSD-së.

Lidhur me këtë ka reaguar dhe kryebashkiaku i  Pjerin Ndreu i cili është shprehur i tronditur.

Pjerin Ndreu: I tronditur nga ngjarja e sotme ne Shëngjin ku ngeli i vrarë Ardian Nikulaj, biznesmen dhe anëtar i këshillit bashkiak! Një ngjarje e tillë është cenim i rëndë i rendit dhe sigurisë publike në qytetin tonë! Kërkoj me forcë nga organet e rendit dhe prokurorisë që të zbardhin sa me shpejt ngjarjen, për të vënë përballë ligjit autoret e kësaj ngjarje te shëmtuar! Shpreh ngushëllimet e mia familjes se tij dhe të afërmeve për këtë humbje kaq tragjike!