Elton Ilirjani është një ndër personazhet publik më të komentuar nëpër media, i cili ka pranuar hapur prirjet e tij seksuale. Në një lidhje me Skype nga SHBA për emisionin “Abc-ja e mëngjesit”, biznesmeni reagoi ndaj akuzave dhe komenteve negative të qytetarëve lidhur me disa foto provokative që ka publikuar në rrjete sociale.
“Ngacmimin e bëra qëllimisht se ka një përqindje shumë të lartë të komunistëve të heshtur dhe që flasin, e bëra me qëllimin se Shqipëria nuk reagoi si Romania, dhe e veja e diktatorit vdiq si një zonjë në mes të Tiranës. Reagimi im erdhi për t’i thënë shoqërisë shqiptare të shkëputet nga njeriu i ndërtuar në komunizëm.
Këta politikanë janë të gjithë pasardhës të tyre, ose janë fëmijë të Bllokut, ose kushërinjtë të Bllokut dhe njerëz të ardhur nga Partia e Punës, një vazhdim i komunizmit i tmerrshëm dhe ti nuk guxon të thuash një fjalë dhe aq më tepër të hedhësh një foto.
Shqiptarët nuk kanë mirëqenie dhe kur vjen puna kur iu shajnë liderët bëhen keq. Shqiptarët e duan Enverin. Po të shikosh komentet që bëjnë, vetëm 1 përqind sjellin besimin fetar si problem, ndërkohë të gjithë thonë “Çohu Enver”. Po të ishte gjallë Enveri do të vinte të bënte dashuri me mua, kështu që shqiptarët të qetësohen se nuk janë gjërat ashtu siç duken. “, tha Ilirjani.
Balerina e njohur shqiptare, Klaudia Pepa jeton prej disa vitesh në Itali. Ajo atje po zhvillon karrierën si koreografe.
Ndërkohë që mes vrullit të madh të punës, Klaudia duket se e ka gjetur kohën edhe për pushime. Ajo po relaksohet në Kretë dhe nuk ka nguruar të ndajë në Instagram disa foto.
“Nga Kreta me dashuri”, ka shkruar balerina krahas imazheve në bregun e detit.
Mirëpo, duket se këto foto nuk janë pritur mirë nga të gjithë, pasi ka pasur edhe ndjekës, të cilët e ka paragjykuar Klaudian se pse ka zgjedhur Greqinë.
Madje, njëri prej tyre gjithë mllëf e ka konsideruar spiune greke.
“Anti-shqiptare spiune grekut. Sa leke more nga grekët”, ka shkruar ai. Ndërsa, Klaudia ka vendosur të mos shqetësohet për fjalët, duke vijuar pushimet e qetë.