EMRAT/ Identifikohen drejtuesit e automjeteve në Sarandë, plagoset shoferi dhe pasagjeri i Smartit

Një aksident ndodhi ditën e sotme në rrugën Sarandë-Delvinë. Janë identifikuar dy drejtuesit e automjeteve të cilët janë Pëllumb Ahmeti, 28 vjeç dhe Birbil Islami, 42 vjeç.

28-vjeçari Ahmeti ka qenë nën drejtimin e makinës tip “Hummer” ndërsa 42-vjeçari Islami drejtonte makinën tip “Smart”. Bëhet me dije se si pasojë e aksidentit ka mbetur i plagosur drejtuesi i Smartit dhe pasagjeri i tij dhe janë dërguar në spitalin e Sarandës për të marrë ndihmën e parë.

Ndërkohë mësohet se drejtuesi i “Hummerit” është shoqëruar në Komisariatin e Policisë Sarandë.