EMRI/ ‘Lali jam, a ke mundësi për 100 mijë euro?’, si ‘mashtruan’ babë e bir biznesmenin

Babë e bir, Bedri dhe Albert Vodha, tentuan të zhvasnin biznesmenin Ram Geci. Dy personat e arrestuar më 6 maj, u lanë në burg ditën e sotme pasi akuzohen për mashtrim ndaj biznesmenëvve të cilëve u kërkonin shuma të mëdha monetare. Gjatë seancës dy të pandehurit i mohuan akuzat.

Raportohet se ata përdornin emrin e kryebashkiakut të Tiranës, Erion Veliaj me qëllim përvetësimin e 100 mijë eurove nga sipërmarrësi Ram Geci. Ata i kishin dërguar një mesazh në Telegram nga një numër anglez.

MESAZHI

“Lali jam, ti e di si e kam situatën në këto kohë, a ke mundësi për 100?”

Mësa duket biznesmeni nuk ka rënë pre e ketij mashtrimi dhe menjëherë ka denoncuar në polici. Më pas, grupi i hetimit u dërgoi autorëve mesazhin ku thuhej “nuk i kam 100, po 70 të bëjnë punë”?

Pas këtij mesazhi ata lanë takim për të marrë paratë, mirëpo Policia kreu arrestimin e babë e bir ndërsa shpalli në kërkim Florian Gjergjin, i cili dyshohet se është organizatori  i kësaj skeme mashtrimi.