EMRI+FOTO/ Tronditëse, vritet i riu shqiptar në Angli

Një 22-vjeçar shqiptar është vrarë gjatë një sulmi me thikë në Angli.

Ngjarja e rëndë ka ndodhur në orën 23:50 të së martës, në Berkshire Gardens, Enfield. Policia u thirr në vendgjarje pas raportimeve se një grup të rinjsh po ziheshin në parkun në veri të Londrës.

Kur mbërriti atje, policia gjeti 22-vjeçarin Emiliano Hasanpapaj të plagosur me thikë. Ai u transportua me urgjencë në spital por nuk mundi të mbijetojë pavarësisht përpjekjeve të mjekëve.

Hetimet e autoriteteve vijojnë për zbardhjen e rrethanave të ngjarjes së rëndë.

Një 24-vjeçar i arrestuar dhe akuzuar për vrasje është liruar me kusht nga policia.