Erdogan: Synojmë përshpejtimin e negociatave me BE-në

Turqia synon të përshpejtojë negociatat për anëtarësimin e saj në Bashkimin Evropian si një anëtare me të drejta të plota, ka njoftuar presidenti turk Erdogan para gazetarëve pas kthimit të tij nga Vilnius, ku mori pjesë në samitin e NATO-s.

“Ekziston një atmosferë pozitive në Bashkimin Evropian në lidhje me ringjalljen e procesit tonë të integrimit evropian. Ne do të përshpejtojmë negociatat për rinovimin e marrëdhënieve si pjesë e BE, gjë që do të ketë një efekt pozitiv në ekonominë turke”, tha ai.

Erdogan vuri në dukje se ai dërgoi përfaqësuesin e tij zyrtar, Arif Kiliç në Bruksel për të zhvilluar bisedime mbi integrimin evropian. “Ne kemi dërguar këshilltarin tonë në Bruksel, ndërsa nesër do të zhvillohen bisedimet lidhur me këtë zhvillim”, u shpreh Erdogan.