Evropa në shtetrrethim, izolimi i dytë prej koronavirusit

Franca njoftoi një shtetrrethim policor gjatë natës në Paris dhe tetë qytete të tjera për të frenuar përhapjen e shpejtë të koronavirusit. Shtetrrethimi gjatë natës do të zbatohet në kryeqytetin Paris dhe rrethinat e tij si dhe Marsejë, Lion, Lille, Saint-Etienne, Rouen, Toulouse, Grenoble dhe Montpellier.

Kancelarja Angela Merkel njoftoi kufizime të shtrënguara të mërkurën ndërsa vendi regjistroi më shumë se 5,000 infeksione të reja për herë të parë që nga prilli. Gjermania njoftoi se baret dhe restorantet në zonat me rrezik më të lartë duhet të mbyllen herët, njofton BBC.

Në të gjithë Evropën, qeveritë po futin kufizime të reja për të luftuar një valë të dytë të infeksioneve.

Sipas rregullave të reja, zonat ku infeksionet tejkalojnë 50 për 100,000 banorë, baret dhe restorantet duhet të mbyllin dyert e tyre deri në orën 23:00. Takimet private do të kufizohen në 10 persona nga dy familje.

Polonia ka raportuar 116 vdekje në 24 orët e fundit – numri i saj më i lartë që nga fillimi i pandemisë – dhe një rekord 6,526 raste të reja.

Të mërkurën Italia regjistroi rritjen e saj më të lartë ditore të infeksioneve që nga fillimi i testimit masiv me 7,332 raste të reja të konfirmuara.

Qeveria irlandeze njoftoi një ndalim të vizitave në shtëpi nga e enjtja natë, por kujdesi për fëmijët dhe vizitat në qendrat e kujdesit do të lejohen përsëri.

Zyrtarët belgë kanë paralajmëruar që nëse nivelet aktuale të infeksionit vazhdojnë, të gjitha 2000 shtretërit e kujdesit intensiv të vendit mund të mbushen deri në mes të nëntorit.

Në Portugali, qeveria tha që grumbullimet do të ishin të kufizuara në pesë persona që nga e enjtja. Në dasmat dhe pagëzimet mund të marrin pjesë deri në 50 persona, por festat në universitete do të ndalohen.