“Fëmijët kujtonin se kisha vdekur”, këngëtarja rrëfen aksidentin e rëndë: Qëndrova disa ditë në koma

Këngëtarja e njohur e muzikës popullore, Pranvera Tuda rrëfeu detaje nga jeta e saj.

Para disa vitesh, këngëtarja pësoi një aksident të rëndë, ku qëndroi në koma prej 8 ditësh.

Mes lotësh ajo rrëfeu se si e përjetuan familjarët e saj, përfshirë dhe fëmijët aksidentin e rëndë.

Aksidenti ka ardhur kur unë po kthehesha në shtëpi pas pune dhe nga bora e madhe rrëshkiti makina. Ishte aksident i rëndë. Qëndrova 8 ditë në koma. Pasi jam zgjuar kam pasur probleme tek kujtesa Fëmijët nuk më kanë lënë të vdes. Kur u zgjova ajo që doja ishte përqafimi i fëmijëve edhe pse shumë herë harroja, nuk mbaja mend a ishin fëmijët e mi apo jo.

Unë kam tre fëmijë. Nuk e përshkruaj dot përqafimin pasi u zgjova. Fëmijët kishin kujtuar se kisha vdekur. Kam pasur shumë problem, dorën e thyer, kjo ka bërë që vajza ime t’a ketë traumë.

Në moshën 16 vjeçe jam bërë nënë. Nëse do më jepej mundësia, jetën time do e kisha bërë film”, tha këngëtarja.