Festat/ Fluks emigrantësh në pikat kufitare

Vetëm tre ditë na ndajnë nga nata e ndërrimit të viteve dhe duket se emigrantët kanë zgjedhur të festojnë në atdheun e tyre. Kjo dëshmohet edhe me fluksin e shtuar në pikat kufitare të automjeteve.

Në pikën kufitare të Kapshticës gjatë ditës së djeshme mësohet se kanë hyrë mbi 4.400 qytetarë dhe kanë dalë mbi 2.100 persona. Ndërkohë, burime nga policia kufitare e Qafë-Thanës bënë me dije se po më 28 dhjetor, kanë hyrë për në Shqipëri rreth 2.800 persona dhe kanë dalë fmbi 2.100 qytetarë.

Pothuajse çdo vit fluksi i automjeteve në pikat kufitare me raste festash është i pashmangëshm, pasi emigrantët zgjedhin të festojnë në atdheun e tyre pranë familjarëve. Edhe këtë vit, në ditët e fundit të 2022-it, fluksi në dy pikat kufitare Kapshticë dhe Qafë Thanë ka bllokuar me orë të tëra udhëtarët.