Fjalimi idiot i papagallit Vuçiç në OKB

Presidenti i Serbisë, Aleksandar Vuçiç, tha shteti i tij ka politikat dhe interesat e veta dhe nuk është shërbëtor “as i Rusisë, e as i Shteteve të Bashkuara”.

Ai gjithashtu u shpreh se Serbia respekton Kartën e OKB-së dhe integritetin territorial të Ukrainës, teksa tha se shtetet e fuqishme nuk respektojnë rezolutën 1244 dhe “integritetin territorial të Serbisë”.

Vucic gjithashtu përsëriti akuzat ndaj Perëndimit se ka shpërfillur Kartën e OKB-së, kur ish-Jugosllavia e atëhershme u bombardua nga NATO-ja, bombardime që çuan në çlirimin e Kosovës.

“Të gjithë në botë flasin për Ukrainën, teksa askush nuk guxon të flasë për Serbinë, por edhe kur flasin, ata thonë se si ne do nisim luftë imagjinare në Ballkan nën urdhrat e Rusisë. Ata kanë gënjyer gjatë gjithë kohës për më shumë se dy vjet e gjysmë” – deklaroi Vucic duke theksuar: – “Ata që kanë kryer agresion kundër Serbisë, që tentuan të ndajnë një pjesë të territorit të saj, ende tentojnë të na bindin se është zgjidhja e vetme demokratike dhe e arsyeshme, që ‘Kosova dhe Metohia’ të shkëputet nga Serbia. Ata i kanë ofruar armë të ashtuquajturave Forca të Sigurisë së Kosovës, që nesër do të bëhen Forcat e Armatosura shqiptare në territorin e Serbisë”.

Vuçiq tha se kur i pyesin se në bazë të çfarë dokumentesh ndërkombëtare e ofrojnë një ndihmë të tillë për FSK-së, ai tha se merr “përgjigje nga më idiotet” se “nuk e pranojmë Kartën e OKB-së sepse situata ka ndryshuar sepse e kemi pranuar pavarësinë e Kosovës”.

Autoritetet në Kosovë kanë akuzuar Serbinë se është “dorë e zgjatur e Rusisë” dhe Moska po tenton ta destabilizojë Kosovën përmes Serbisë.

Serbia ka raporte të mira me Rusinë dhe është ndër vendet e pakta në Evropë që nuk i është bashkuar sanksioneve të BE-së ndaj Moskës, për nisjen e pushtimit të Ukrainës më 2022

Presidenti serb Aleksandar Vuçiç ka kritikuar politikën e Qeverisë së Kosovës në raport me komunitetin serb, kryesisht ne veri.

Ai ka pretenduar se komunitetin serb në Kosovë, të cilët sipas tij janë nën juridiksionin e OKB-së (rezolutës 1244), nuk iu ofrohet as drejtësi, as liri e as mundësi për asgjë.

“Paarsyeshmërinë e ‘politikës së pushtetarëve’ të Prishtinës, fanatizmin dhe persekutimin e çdo gjëje serbe në Kosovë, e tregojnë një sërë lëvizjesh shqetësuese – që nga ndalimi i pagesave në monedhën serbe – dinari në Republikën e Kosovës e deri te ndalimi i shërbimeve postare e ndalimin e vizitave të kreut të Kishës Ortodokse Serbe, Porfirije, në Kosovë”, ka pretendua Vucic

Duke potencuar se paqja e vërtetë dhe e qëndrueshme mund të arrihet vetëm përmes drejtësisë dhe respektimit të të drejtave të njeriut, Vuçiç ka pretenduar se si mund të ketë paqe në Kosovë “nëse aty shkelen sistematikisht rendi juridik dhe të drejtat elementare të një populli të tërë”.

Presidenti serb ndër të tjera ka potencuar se Serbia “është e përkushtuar” për procesin e dialogut të ndërmjetësuar nga Bashkimi Evropian dhe se do të “luftojë për ruajtjen e paqes”.

“Ka vetëm një gjë që nuk do t’ia japim askujt, ajo është liria dhe pavarësia e Serbisë”, ka pohuar Vucic