FOTO/ Banesa në Fushë-Krujë përfshihet nga flakët

Një banesë është përfshirë nga flakët në lagjen e “Mireve” në Fushë Krujë pasditen e sotme.

Zjarri që dyshohet se është shkaktuar nga një shkëndijë elektrike ka djegur një dhomë në katin e dytë të banesës e cila, rezulton të jetë në pronësi të Selim Pulës.

Megjithatë ndërhyrja e forcave zjarrfikëse dhe pronarit të shtëpisë në kohë ka bërë të mundur parandalimin e djegies së plotë të banesës dhe përhapjen e flakëve në shtëpitë e tjera pranë.