FOTOLAJM/ Atmosferë e veçantë në Prizren për 28 Nëntorin, kamerierët shërbejnë me plis në kokë

Qytetarët e Kosovës kanë krijuar një atmosferë të veçantë për 28 Nëntorin, Ditën e Flamurit kombëtar shqiptar. Siç shihet edhe në pamje në ambiente të ndryshme të lokaleve apo restoranteve, nuk ka munguar atmosfera dhe simbolet kombëtare.

Në një lokal në Prizren kamerierët mbajnë në kokë plisin e bardhë me shqiponjën dykrenare, një gjest që tregon krenari. Gjithashtu në sheshet e Prishtinës dhe në rrugët e kryeqytetit të Kosovës janë vendosur flamuj kuqezi, por edhe flamuj të Kosovës. Në Kosovë kjo ditë nuk është festë zyrtare, por çdo vit shpallet ditë pushimi nga Qeveria.