FOTO+VIDEO: Modelet gjysmë të zhveshura “pushtojnë” Parisin

Dy modele braziliane janë futur në telashe me policinë franceze, për shkak se kanë pozuar gjysmë të zhveshura para kullës Eifel.

Imazhet e modeleve që pozojnë para simbolit të kryeqytetit francez me rroba banje provokuese, të cilat ekspozojnë format e tyre kanë ngjallur reagime të forta, duke detyruar autoritetet të ndalonin fotosesionin dhe t’u kërkonin vajzave të mbuloheshin.

Një nga vajzat ka reaguar për rastin, duke thënë se sipas saj gjithçka që po bënin ishte më se normale.

Gruaja e tretë, e cila quhet Vanessa Lopez, ka folur përmes llogarisë personale në Instagram për incidentin: “ U arrestuam nga djemtë se bëmë një reklamë për bikini dhe ata thanë se nuk mundemi. Unë u thashë se po e bëjmë sepse kemi një biznes me rroba banje.”

Ajo shtoi se fillimisht nuk e dinte që fotot do realizoheshin para kullës, e po ashtu se nuk e dinte që fotot me rroba banje në këtë vend ishin të ndaluara, deri në momentin që u tha policia.

Kulla Eifel është një ndër atraksionet më të njohura në botë dhe vizitohet nga shumë turistë, por nga ana tjetër parizienët ankohen shpesh për turistët. Ata shprehen se janë të bezdisshëm duke fotografuar gjithçka.