Francesco Totti pozitiv me Covid-19, pak ditë më parë i vdiq dhe…

Pak ditë pas humbjes së të atit, Enzo, i njohur në ambjentin e tifozerisë së Romës si “Sherifi”, Francesco Totti ka rezultuar pozitiv pasi bëri tamponin për koronavirusin.

Në ditët e shkuara, ish-kapiteni i Romës kishte pasur simptoma tipike, temperaturë dhe dobësi. Ndaj ka vendosur të bëjë testin që i ka dalë pozitiv.

Duket se nuk ka paqe për ish-numrin 10 të Romës që në fillim të muajit humbi të atin Enzo, 76 vjeç, i cili vdiq në spitalin infektiv Spallanzani në Romë pikërisht nga Covid 19.

Terapia e të atit në izolim ka qenë një moment shumë i rëndë për Totti-n, i cili në ditët e mëpasme ka publikuar në profilin e tij në instagram një letër mjaft prekëse.