Fratezi, njeriu i golit të kualifikimit: Ndoshta s’jam më i miri, por dorëzohem i fundit

ITALI – “Nuk e di, jam me fat që e përfundova ndeshjen sepse po më sillet mendja. Bëmë një punë të jashtëzakonshme, nuk di çfarë të them. Pas Monacos nuk mendoja se mund ta përsërisja një emocion të tillë, por ndodhi përsëri. Kjo është bukuria e futbollit.”

Kështu tha mesfushori i Interit, Davide Frattesi, duke folur për mikrofonat e Sky Sport pas fitores në gjysmëfinalen e Ligës së Kampionëve kundër Barcelonës në kohën shtesë. “Qëllimi? Është pjesë e karrierës sime, mund të mos kem një talent të jashtëzakonshëm, por gjithmonë dorëzohem i fundit. Është shpërblimi për angazhimin dhe përkushtimin”, shtoi ai.

Në përfundim të ndeshjes që i çoi në finale, autori i golit hapës të takimit, Lautaro Martinez u shpreh: “Vuajtëm shumë, por bëmë një punë të jashtëzakonshme si ekip, nuk isha në formën time optimale sepse nuk munda ta ngrija këmbën pas ndeshjes së parë. U përpoqa të rikuperohesha, por edhe nëse nuk isha 100% i gatshëm, dola në fushë, sepse kështu e jetoj futbollin dhe duhet të jesh aty në këto ndeshje”.

Kështu tha kapiteni i Interit, Lautaro Martinez, duke folur për mikrofonat e Sky Sport pas fitores në gjysmëfinalen e Ligës së Kampionëve kundër Barcelonës në kohën shtesë. “Nuk jam mirë, nuk e përfundova mirë takimin, por tani me stafin mjekësor do të përpiqemi të rikuperohemi. Kam shumë gjëra brenda në kokën time, shumë presion dhe mendime. U përballëm me një ekip të fortë dhe duhet të jemi krenarë. Në një moment të caktuar dolëm jashtë, por ky ekip nuk dorëzohet kurrë”, shtoi ai.