FUQITE E MEDHA, Kosova pranohet në Këshillin e Evropës, dorëzohet edhe Orliç

Funksionari i Partisë Progresive Serbe (SNS) Vladimir Orliç tha se Kosova do të pranohet në Këshillin e Evropës sepse këtë e dëshirojnë fuqitë e mëdha, si mentorë të Pavarësisë së saj. Ai në një paraqitje në Tv Happy tha se nuk ka të bëjë me ndonjë marrëveshje meqë sipas tij, Prishtina nuk i respekton marrëveshjet dhe as kriteret që i janë caktuar.

”Kanë pasur tri kritere, themelimin e Asociacionit të Komunave Serbe, ndalimin e shpronësimit të paligjshëm në veri të Kosovës dhe kthimi i pronës në Manastirin e Deçanit”. – kujtoi Orliç dhe u ankua se Prishtina ka përmbushur vetëm kriterin e tretë, por kjo ka mjaftuar që mentorët e tyre të nisin procedurën për pranim në Shenjtorët e Evropës.

Ai gjithashtu ka komentuar edhe qëndrimin e fundit të përfaqësuesve të opozitës serbe në Bundestag dhe ka thënë se ”përderisa dikush po lufton për Kosovën, dikush po fotografohet me urrejtësit dhe kundërshtarët më të mëdhenj të Serbisë”.

”Ata bëjnë foto me Mihael Roth, me njeriun që na akuzoi për gjithçka të gjallë, të mundshme dhe të pamundur. Ata shkuan atje për të thënë më të keqen për një njeri që lufton për vendin e tij si Aleksandër Vuçiç, i cili po bën çmos për të shpëtuar Kosovën” – propagandoi Orliç.