Game Over/ Skenari i Joseph: Nëse Kosova hyn në NATO, s’do t’i vlenin më strategjitë Serbisë

Profesori amerikan, Edward Joseph, në një fjalim të mbajtur në Perason Institute në Çikago, ka folur edhe për problemin mes Kosovës dhe Serbisë. Në panelin ku i ftuar ka qenë edhe ish-kryeministri i Kosovës, Ramush Haradinaj, Joseph ka thënë se për Kosovën është shumë më i rëndësishëm anëtarësimi në NATO sesa në Organizatën e Kombeve të Bashkuara.

Joseph ka deklaruar se loja merr fund në momentin që sigurohet rruga për anëtarësimin e Kosovës dhe sigurohet heqja e bllokadës, meqë Serbia s’ka ndonjë mundësi për të penguar anëtarësimin e Kosovës në NATO.

Profesori amerikan u shpreh se pastaj edhe bllokada e Kinës dhe Rusisë në Kombet e Bashkuara të do të bëhej e pakuptimtë, meqë anëtarësimi në NATO është larg më i rëndësishëm sesa ai në OKB.

“Hapja e rrugës për anëtarësim në NATO për Kosovën. Në momentin që rruga sigurohet dhe hiqet veto dhe bllokada, paskesaj per Serbine cdo loje është e humbur. Serbia s’ka mundësi ta bllokojë. Dhe mundësia që Rusia dhe Kina të bllokojnë Kosovën në Kombe të Bashkuara është në thelb e pakuptimtë. Sepse anëtarësimi në NATO është shumë më shumë e rëndësishme për Kosovën” – ka thënë Edward Joseph, sipas te cilit, vetëm shtrimi i rrugës për anëtarësimin e Kosovës në NATO do të mbyllte problemin mes Kosovës dhe Serbisë, pasi që sipas profesorit amerikan “strategjia e Serbisë s’do të vlente më”.