Gati shkopi për Serbinë/ Eurodeputeti slloven: Mund të ketë politika radikale ndaj Vuçiç

Eurodeputeti i Parlamentit Evropian, Klemen Groshelj, ka vlerësuar se raporti i progresit i Bashkimit Evropian për Serbinë është më negativi në vitet e fundit, meqë sipas tij Serbia nuk ka bërë kurrfarë përparimi në kapitujt 23 dhe 24 që kanë të bëjnë me sundimin e ligjit, të drejtat e njeriut dhe lirin e mediave.

Sipas tij, pikëpamjet e Komisionerit të BE-së për Zgjerim dhe Fqinjësi, Oliver Varhelji, ndaj Serbisë, ndryshojnë nga qëndrimi zyrtar i Bashkimit Evropian.

“Të mos harrojmë se fjalën e fundit e ka Këshilli i BE-së. Me sa mund të shoh, qëndrimet e shumicës së vendeve anëtare janë mjaft të qarta dhe shumë më negative se ato të Komisionerit Varhelyi” – theksoi eurodeputeti.

Klemen Groshelj ndër të tjera ka theksuar se Unioni nuk e ka harruar sulmin terrorist në Banjskë të Zveçanit dhe se nëse Serbia nuk i përmbushë pritshmëritë e BE-së në këtë çështje, atëherë mund të ketë një politikë radikale të Unionit ndaj saj.