Gaz Bardhi kërkon të qetësojë Salianjin

Grupi parlamentar i Rithemelimit publikoi emrat me të cilët kërkon të hetojë Qeverinë nëpërmjet dy komisioneve parlamentare.

Kritikat ndaj marrëveshjes së arritur me PS duket se u sheshuan duke i dhënë Ervin Salianjit rolin e protagonistit në këto struktura.

“Grupi parlamentar miratoi përbërjen e komisioneve hetimore, Saliani kryetar”, tha Gazment Bardhi.

Krahas anëtarëve të Komisioneve Hetimore, Grupi Parlamentar i Rithemelimit miratoi edhe përbërjen e anëtarëve të strukturës së posaçme për shqyrtimin e ligjeve me 3/5.

“Ka një vend bosh, ta çojë te sekretarit të grupit dhe ai do t’ia përcjell kryetarit”, u shpreh Bardhi.

“Dy vjet nuk bënë asnjë gjë, i dhamë besim dhe s’bënë asgjë”, tha Bardhi.

Krahas emrave, grupi kishte diskutuar edhe qëndrimin politik që do të mbajë në seancë plenare, e para në normalitet pas gati 6 muajsh, ku direktivat ishin për betejë verbale ndaj Aktit Normativ të qeverisë që ndryshoi buxhetin e shtetit.

TEMA

Kryetari i Partisë Demokratike, Lulzim Basha i është përgjigjur ftesës së Gazment Bardhit, i cili sot tha se me vendim grupi është rezervuar një karrige në komisione për një nga “mbështetësit e Bashës”.

Nga takimi që Basha zhvilloi me demokratët në Durrës tha se nuk është qëllimi karrigia, por listat e hapura, votimi elektronik dhe vota e diasporës.

“Shikoni çfarë thonë sot, “ejani ju se kemi dhe një karrige për ju”. Merreni  karrigen edhe… Ne se kemi nisur këtë për karrige. Se kemi nisur për karrige, s’ishte kjo punë për karrige. Enkelejd Alibeaj nuk ishte aty për karrigen e tij. As i kisha thënë unë rri për karrige. Ishin listat e hapura, ishte për votimin elektronik, ishte për votën e diasporës, ishte për Shqipëria një zonë. S’duam karrigen, ne duam të drejtat e shqiptarëve, ne duam që pazari 34 vjeçar i fëlliqtë, trashëgimnia më e pisët e Ramiz Alisë, trashgimtarit të fundit komunist të marrë fund.

epse është ky pazar që rëndon pronarët dhe të përndjekurit, sipërmarrësit dhe profesionistët, fermerët dhe arsimtarët, rininë shqiptare. S’na duhen karriget. Thojini shqiptarëve sot, ku qëndroni në raport me listat e hapura? Jeni për lista të hapura, po apo jo, votoni për listat e hapura, votimin elektronik, Shqipëria një zonë, votën e diasporës, s’na duhen karriget.

Basha solli në vëmendje edhe marrëveshjen mes Partisë Socialiste dhe Rithemelimit, për të cilën tha se është një pazar, që sipas tij e keqja është ‘mbajtja në fuqi e komplotit të 2008 kundër votës së shqiptarëve’.