Gërvalla i nxin jetën serbit Gjuriç/ Kryediplomatët e Kosovës dhe Serbisë akuza në KS

Kryediplomatët e Kosovës dhe të Serbisë janë përplasur në takimin e Këshillit të Sigurimit të Kombeve të Bashkuara, ku është diskutuar për raportin gjashtëmujor të sekretarit të Përgjithshëm të OKB-së, Antonio Guterres, për misionin e OKB-së në Kosovë.

Ministri i Jashtëm i Serbisë, Marko Gjuriq, tha se serbët e Kosovës po diskriminohen dhe po shtypen nga autoritetet e Kosovës, por, këto akuza u hodhën poshtë nga kryediplomatja e Kosovës, Donika Gërvalla.

Ajo mbrojti veprimet e Qeverisë së Kosovës në veriun e banuar me shumicë serbe, që komuniteti ndërkombëtar i ka cilësuar si veprime të njëanshme.

Gervalla tha se nuk duhet t’iu besohet pretendimeve të Gjuriqit dhe se serbët në Kosovë po marrin frymë lirshëm dhe pa frikë nga bandat kriminale.

Ministri i Jashtëm serb, Marko Gjuriq, po ashtu kërkoi që Kosova të themelojë menjëherë Asociacionin e komunave me shumicë serbe pasi sipas tij ky eshte obligim nga dialogu i Brukselit.

Por, Gërvalla tha se presidenti i Serbisë nuk është i interesuar që Asociacioni t’ua lehtësojë jetën serbëve të Kosovës.

“Për Vucic Asociacioni është opsion për te copëtuar një vend të territorit tonë. Sikurse presidenti rus, Vladimir Putin me Ukrainën, Vuçiqi nuk do asgjë më pak sesa zhdukjen e Kosovës” – theksoi Gervalla

Ambasadori amerikan në OKB, Robert Wood, kritikoi Serbinë se nuk ka bërë mjaftueshëm që përgjegjësit e sulmit në Banjskë të përballen me drejtësinë. Ai po ashtu ai tha se SHBA-ja është e shqetësuar me veprimet e pakoordinuar të Qeverisë së Kosovës.

Ndërkaq, ambasadori rus në OKB, Vasily Nebenzya, kritkoi Kosovën për shkeljen e të drejtave të serbëve dhe, siç tha ai, per dhunë ndaj serbëve.

Gjatë mbledhjes, ambasadorët e Francës dhe Mbretërisë së Bashkuar kërkuan që përgjegjësit për sulmin në Banjskë të përballen me drejtësinë. Këto dy shtete, po ashtu, kërkuan përparim në zbatimin e marrëveshjeve të dialogut, përfshirë atë për themelimin e Asociacionit.