Gjigandi i Italisë nuk dorëzohet, rikthen dhe njëherë interesin për Armando Brojën

Sulmuesi i Kombëtares shqiptare është drejt largimit nga Chelsea, me “Blutë” e Londrës që janë duke shqyrtuar ofertat.

Tashmë, për Brojën është rikthyer në garë Milani. Klubi kuqezi është në kërkim të një sulmuesi të dytë, që të jetë i denjë për të zëvendësuar të sapoardhurin, Alvaro Morata.

Edhe pse nuk është emri i parë në listë, “Djalli” e konsideron Brojën si një objektiv të rëndësishëm dhe kërkon të bindë Chelsean ta lëshojë huazim.

Këto pritet të jenë ditë vendimtare për të ardhmen e 22-vjeçarit të Kombëtares shqiptare, me Chelsean që pritet të vendosë përpara startit të kampionatit.