Grenell i tregon dyert Albin Kurtit: Amerika nuk të beson më kryeministër

Analisti Baton Haxhiu duke komentuar deklaraten e fundit te Richard Grenell ngre pyetjes – Midis mashtrimeve të Albin Kurtit dhe Ultimatumit të Grenellit, çfarë duhet të bëjë Kosova?

“Albin Kurti ka ndërtuar një narrativë politike ku realiteti shpesh shtrembërohet për t’iu përshtatur interesave të tij. Kjo qasje i ka sjellë Kosovës shumë dëme, duke krijuar një iluzion për marrëdhëniet ndërkombëtare dhe duke e paraqitur veten si një lider të pakompromistë, kur në fakt kompromiset e pashmangshme janë bërë gjithmonë në dëm të vendit. Por po aq sa më shqetësojnë gënjeshtrat e Kurtit, më shqetëson edhe gjuha jashtëzakonisht jodiplomatike e Richard Grenellit. Ai nuk po flet më si një ish-emisar apo si një analist, por si njeriu më me peshë i administratës Trump për Ballkanin, dhe deklaratat e tij nuk janë thjesht kritika, ato janë një paralajmërim i qartë për Kosovën. Ne si qytetarë jemi këtu dhe duhet të përballemi me realitetin” – ka theksuar Haxhiu ne nje shkrim autorial, duke ngritur nje sere pyetjesh te tilla si: – Çfarë do të thotë kjo për Kosovën? A duhet të frikësohet populli nga ky ton i ashpër dhe të ndëshkojë Kurtin me votë? Apo duhet të sfidojë administratën e Trumpit dhe të refuzojë këtë lloj presioni? Në një moment të tillë, kur një superfuqi si SHBA po e vendos Kosovën përpara një prove të vështirë, çfarë duhet të bëjë një qytetar që nesër do të japë votën?

“Ky është thelbi i dilemës së madhe në të cilën ndodhet Kosova sot. Deklarata e Richard Grenellit, njeriut më të fuqishëm të administratës Trump për Ballkanin, është një shuplakë e fortë diplomatike për Albin Kurtin dhe një sinjal alarmi për Kosovën. Në kulmin e fushatës zgjedhore, Richard Grenell, emisari special i Trumpit për Ballkanin dhe njeriu me peshën më të madhe në politikën amerikane për rajonin, po e shpall publikisht qeverinë e Kurtit si të pabesueshme dhe të papranueshme për Shtetet e Bashkuara. Me këtë qëndrim, ai jo vetëm që i mohon Kurtit pretendimet për marrëdhënie të mira me Washingtonin, por edhe e vendos Kosovën në një pozicion të rrezikshëm gjeopolitik.

Në deklaratën e tij të fuqishme, Grenell e akuzon hapur Kurtin për veprime të njëanshme që destabilizojnë rajonin dhe për refuzim të bashkëpunimit me SHBA-në, NATO-n dhe BE-në. Ky është një mesazh i qartë se SHBA ka humbur durimin dhe nuk e sheh më Kurtin si një partner të besueshëm.Kjo deklaratë tregon se SHBA nuk do të tolerojë më refuzimin e marrëveshjeve të nënshkruara, mungesën e bashkëpunimit në çështjet strategjike dhe qasjen konfrontuese të Kurtit në dialogun me Serbinë” – ka theksuar analisti I njohur