Gripi australian, do kthehen maskat?

Rritja e infeksioneve nga gripi australian ka futur sërish në modë përdorimin e maskave.

Virologu i famshëm italian Matteo Bassetti deklaron – “Absolutisht jo”. Këto mikroorganizma duhet të qarkullojnë dhe kanë qarkulluar gjithmonë.

Sipas Bassettit, kurba e gripit “do të vazhdojë të rritet sepse ky është vetëm fillimi”.

Fëmijët do të humbasin disa ditë shkollë, ndërsa të moshuarit, në këto dy javë që na ndajnë nga Krishtlindjet, në vend që të vrapojnë për të marrë apo bërë dhurata, duhet të vrapojnë për të bërë vaksinën e gripit”.

…

A ka mbërritur në Shqipëri? Gripi australian “pushton” Europën, më të prekur fëmijët

Për javë të tëra, ekspertët europianë të shëndetësisë po flasin për një epidemi të rëndë gripi, pas dy vjetësh “qetësie”, ku virozat sezonale praktikisht u zhdukën, falë edhe distancimit të detyrueshëm dhe maskave për Covid.

Sëmundja (gripi) konsiderohet “australiane” pikërisht sepse fillimisht është shfaqur në Australi.

Përsa i përket simptomave, ato nuk kanë ndryshuar në krahasim me vitet e mëparshme. Gripi mbetet pothuajse njësoj. Ata që infektohen duhet të përballen me temperaturë, madje edhe të lartë, dhimbje trupi dhe kollë të thatë.

Si në rastin e çdo virusi, me mjekim duhet të ndërhyhet për zbehjen e simptomave, si për shembull duke ulur temperaturën me antipiretikë dhe ndoshta duke marrë anti-inflamatorë për dhimbjet e trupit.

Antibiotiku nevojitet vetëm nëse mjeku vlerëson se është zhvilluar edhe një infeksion bakterial.

Në këtë moment, në Evropë nga gripi australian më të prekurit janë fëmijët, të cilët kanë mbushur urgjencat.

Kryqëzimi me Covid

Për ta komplikuar situatën është edhe qarkullimi i njëkohshëm i Covid-it, i cili nga pikëpamja e incidencës po kalon një fazë rënieje, me raste të qëndrueshme, por që është ende i pranishëm.

Teorikisht, të dy viruset mund të merren në të njëjtën kohë, edhe nëse zakonisht vetëm njëri mbizotëron brenda organizmit.

A ka mbërritur në Shqipëri?

Deri tani ISHP nuk ka njoftuar për mbërritjen e virusit në Shqipëri, megjithatë dyshimet se po qarkullon janë të mëdha, pasi vendi fqinj, Italia numëron afro 2.5 milionë të prekur në një javë. Prej disa javësh në vend po qarkullojnë viroza të ndryshime që kanë prekur fëmijët, me temperaturë të lartë që zgjasin disa ditë