Habit rrjetin/ Dhëndri i Orban “kapet” me Ferrari 600 mijë euro në Marbella

 Istvan Tiborcz është dhëndri i kryeministrit Viktor Orban, një nga liderët e vendeve të Bashkimit Evropian. Por së fundmi, Tiborcz është pikasur teksa ndalohet nga Policia me një “Ferrari SF90 Spider” në Marbella të Spanjës. Fotot u shpërndanë në Hungari nga deputeti i pavarur, Ákos Hadházy, pasi e kishte pikasur në një faqe interneti që mbledh poston të makinave luksoze në fund të dhjetorit 2023.

Istvan Tiborcz

E njëjta makinë shfaqet edhe në një foto tjetër në të njëjtën faqe, ngarkuar në qershor 2024 në Monako.

Istvan Tiborcz

“BDPST Group” mohon se Tiborcz zotëron një Ferrari.

“Automjeti Ferrari SF Spider i paraqitur në foto nuk është dhe nuk ka qenë asnjëherë në pronësi të István Tiborcz, ai e ka marrë me qira,”-shkruan kompania “BDPST Group”, në pronësi të Tiborcz.

Por një Ferrari 600 mijë euro mund të mos jetë gjë e madhe për Tiborcz, kur në fakt ai dhe vajza e Orban, Rahel, kanë jetuar në Spanjë për vite të tëra dhe kanë asete të padeklaruara që i zotërojnë në shtetin spanjoll. Në shtator 2021, përpara zgjedhjeve të 2022-shit, Ráhel Orbán dhe István Tiborcz njoftuan se do të zhvendoseshin me familjet e tyre në Marbella. Tiborcz e shpjegoi këtë në atë kohë i ishin shfaqur disa mundësi biznesi, por shtoi se ishte një ide e mirë që fëmijët e tij të mësonin anglisht dhe spanjisht.